PostHeaderIcon لہو میں ڈوبیں جو حرف سارے، امام تیرا سلام لکھوں

شیئر کیجئے

salam2
سلام

دکھوں کی تفصیل لکھنے بیٹھوں تو اشک اپنے تمام لکھوں
لہو میں ڈوبیں جو حرف سارے، امام تیرا سلام لکھوں

وہ جس نے سجدے میں سر کٹا کے ہمیں نوازا بلندیوں سے
وفا کے سجدوں کے شاہ کو ہی میں آج شاہ و اما م لکھوں

یہاں سکینہ کا، اصغر ،اکبر کا اور قاسم کا تذکرہ ہے
ورق ورق پر ہیں اشک پھیلے میں حرف حرف احترام لکھوں

مجھے شہیدوں کا ذکر کرنا ہے سوچ کو معتبر تو کر لوں
قطار میں سارے لفظ رکھوں ،ملے جنہیں پھر دوام لکھوں

ہماری گلیوں میں قتل کب تک روا رہے گا ،سوال پوچھوں
ہمارے ظلمت کدے میں کب ہو گا روشنی کا قیام لکھوں

یہی تقدس ہے اب تو میرا،اسی سے نجمہ مری حفاظت
میں اپنی چادر کے چاروں کونوں پہ بی بی زینب کا نام لکھوں


شیئر کیجئے


ایک تبصرہ تا “لہو میں ڈوبیں جو حرف سارے، امام تیرا سلام لکھوں”

  • Ali Imran کہتے ہیں:

    یہی تقدس ہے اب تو میرا،اسی سے نجمہ مری حفاظت
    میں اپنی چادر کے چاروں کونوں پہ بی بی زینب کا نام لکھوں

    ماشااللہ۔ تقدس کی بلندیوں کو کمال بیان فرمایا ھے۔ خداے بزرگ و برتربصد وسیلہِ شہنشاہِ کونین (ﷺ) و اہلبیت اطہار آپ کو دنیا و آخرت کی کامیابیوں سے ہمکنار فرماے اور آپ کی سوچ اور الفاظ کی اِس پاکیزگی کو معراج عطا فرما کر وجہِ تخلیقِ کائنات ، مرکزِ پرکارِعشق (بی بی پاکؑ) کی خدمتِ اقدس میں پیش فرماۓ

تبصرہ کریں



My Facebook
Counter
Total Visits: Total Visits