PostHeaderIcon

شیئر کیجئے

کیسے گزرے تجھِ بن رین میرے بادشاہا
تجھ کو ترسے پیاسے نین میرے بادشاہا

اَبد تلک میں بیٹھی ہوں بس آس لگائے تیری
ہے تجھ سے ہی دل کو چین میرے بادشاہا

تو جو ملا تو مہک ا’ٹھے گا مرے وجود کا گلشن
پھر دکھ آپ کرے گا بین میرے بادشاہا

اَدھ اَدھوری ذات کی بس تکمیل ہی تم سے ہو گی
میرے عشق کا تم ہی عَین ،میرے بادشاہا

دل کے اَندھیارے آنگن میں چمکا آج چندرما
ر’ک گئے میری آنکھ کے رین میرے بادشاہا

سن اب بات تو سن میں کیسے کاٹوں جیون رات
مری وفا کو مت لکھ غین میرے بادشاہا

لیکھ سے ہاری ،ہجراں ماری کو ہی دیکھ لے آکر
در در پھرتی ہے بے چین میرے بادشاہا


شیئر کیجئے


تبصرہ کریں



My Facebook
Facebook Pagelike Widget
Aanchal Facebook
Facebook Pagelike Widget
تبصرہ جات
Total Visits: Total Visits