میرا دل تیرا جہاں ہے سائیاں



تو ہی میرا مولا ہے، تو آج کہاں ہے سائیاں
کیسی دوری جب میرا دل تیرا جہاں ہے سائیاں

وہ میری تقدیر تو جانے کب سے نوحہ کناں تھی
یہ میری تصویر بھی تجھ سے نوحہ کناں ہے سائیاں

اے چارہ گر میں تجھ کو بھلا کیسے یقین دلاؤں
تجھ سے ہی منسوب یقین اور میرا گماں ہے سائیاں

جب میری تخلیق میں تیرا دست ہنرہی ہے بس
پھربھی میری منزل کیوں بے نام ونشاں ہے سائیاں

نورتراجب رقصاں چاروں جانب ہجرکی شب میں
پھربھی میری آنکھوں میں کیوں اتنادھواں ہے سائیاں

میں اس دل کے ٹکڑے چنتی پھرتی ہوں کیوں شاہیں
تیری دنیا میں تو چاہت بہت گراں ہے سائیاں

ڈاکٹرنجمہ شاہین کھوسہ


Facebook Comments